Nëse vendos për një pronë në fazë ndërtimi, çmimi fillestar është shpesh më i ulët, por me vete sjell rrezikun e vonesave, ndryshimeve në projekt dhe pasigurisë lidhur me përfundimin e punimeve. Për një pronë të përfunduar, përfiton shpejtësinë e blerjes dhe mundësinë e inspektimit fizik, por paguan më shumë për atë që është tashmë e realizuar, shkruan Top Realty Magazine.
Pikat kryesore për t’i kontrolluar:
- Afatet: Nëse blen në ndërtim, kërko një kontratë të qartë me data specifike për dorëzimin dhe sanksione nëse ato nuk respektohen.
- Dokumentacioni: Verifiko lejen e ndërtimit, certifikatën e përdorimit (kolaudimin) dhe titullin e pronësisë në ZRPP. Sigurohu që të dhënat e dokumenteve përputhen me realitetin.
- Pagesat: Për prona të përfunduara, llogarit taksën e kalimit të pronësisë dhe çdo detyrim tjetër tatimor. Nëse blen në ndërtim, planifiko që pagesat të jenë të lidhura me faza konkrete të ndërtimit, jo vetëm me afate kohore.
Zgjedhja mes këtyre dy opsioneve varet nga toleranca jote ndaj rrezikut dhe nga objektivi yt: a kërkon një investim me kthim të shpejtë, apo preferon të blesh më lirë duke pritur përfundimin?
