Një ndër projektet më interesante të rezidencave qeveritare është padyshim Vila e Kuqe. Kontrasti i ngjyrave mes godinës dhe ambientit të jep idenë e një ndërtese ndryshe nga ato që mund të përdoren për takimet qeveritare. Një projekt i menduar për të qenë sa i dukshëm aq edhe privat.
Nga jashtë, volumetria e vilës shfaqet mjaft e pastër, pa dekoracione të mbingarkuara apo elemente neoklasike që shpesh karakterizojnë rezidencat e luksit. Ajo bazohet në linja të drejta gjeometrike që synojnë të kapin dritën dhe të krijojnë hije të thella varësisht nga pozicioni i diellit.
“E kuqja gjak” në peizazh
Karakteristika më dalluese arkitekturore e vilës është përdorimi i kësaj ngjyre të kuqe të ndezur (gjak e kuqe) në fasadat dhe rrethimet e saj. Kjo ngjyrë është një element nënshkrimi i studios së famshme spanjolle Ricardo Bofill Taller de Arquitectura (e ngjashme me veprat e tyre ikonike si La Muralla Roja në Spanjë), duke krijuar një thyerje të fortë vizuale me gjelbërimin natyral të kodrave të Saukut.
E konceptuar fillimisht si një pikë vrojtimi apo një godinë arti e integruar në natyrë e rrethuar nga mure natyrale me pemë e shkurre që sigurojnë privatësinë, vila nuk është e hapur për publikun, por aty priten vizita me miq të veçantë si edhe mbledhje informale të qeverisë. E vendosur në skajin lindor të Parkut të Liqenit Artificial vila shfrytëzon fushëpamjen drejt digës dhe ujit.
Në ambientet e saj ndaluan arkitektët që morën pjesë në festivalin “Bread and Heart” (bukë e zemër), në një drekë të organizuar nga Kryeministri i vendit, Edi Rama, është ajo e ‘Vila e Kuqe’, (No.5), (No.Red). Arkitektët patën mundësinë që si në një ditar arkitekturor të lejnë në muret e godinës edhe përshtypjet dhe frymëzimet e tyre duke e kthyer të gjithë eksperiencën si një vizitë në një muze të gjallë.
